MWENDO WA MUNGU

 

Hatua zako unazotembea ndivyo Mungu anavyotembea? Ni swali tu alihitaji jibu….!

Mawazo yako unayowaza ndivyo Mungu anavyowaza?

Maneno hayo unayonena ndivyo Mungu anavyonena?

Maana sisi tu kazi yake tumetokana na yeye na tu mali yake hivyo vile alivyo ndivyo tulivyo,

Na moja ya sifa inayompa ushindi wa halali kwa mwanariadha ni kukimbia akiwa katika mstari wake, ule mstari alioanzia ndio hakikishe anamalizia ili asipunguziwe point zako.

Naam kuna baadhi ya mambo ambayo mtu anapoyafanya uwa yanaleta furaha kama sio kwa jamii basi familia husika mathalani unaweza kukuta mmoja anapenda siasa basi watu wataanza kumzungumzia  na walio na mawazo mema juu yake uweza kusema “ huyu kijana atafika mbali katika safari yake ya siasa na hata kuwa kiongozi mkubwa wanchi”……….na pindi mawazo hayo yanapovaa mwili au kutimia na kuanza kuwatumikia wananchi na kusababisha maendeleo ya sehemu husika, Hivyo faida inakuwa kwa jamii nzima kutokana na maendeleo hayo!

Karibu sana:

Moja ya kitu ambacho kama mkristo kinapaswa kikupe ujasiri sana, sio kwamba unaenda kanisani tu au kwa watu waliookoka bali ni kutembea katika mwendo wa Mungu, maana itakuwa ni Mungu anatembea na sio wewe tena bali ni yeye atakuwa anatembea kwa niaba yako japo wewe utaonekana ukishinda lakini Mungu haonekani japo uweza kudhihihirisha utukufu wake.

Unapotembea katika mwendo wa Mungu jua hapo hakuna kitu kitakachochelewa au kuwahi kwasababu hakuna kikwazo kitakachozuia huo mwendo.

Mahala pengine /mara nyingi mambo ya dunia yanavyoenda yanataka kukupa mwendo wake lakini unakuwa hauna mwelekeo wa kudumu au wa uhakika wa hatma yako.

Unapotaka kumuona Mungu ni lazima utembee katika mwendo wake yaani vile anavyosema ndivyo unavyofanya ( anavyosema simama basi unasimama ) hata bila kuuliza kwanini nisimame maana yeye anaona mbele kule ambako macho yako ya nyama hayaoni.

Usitafute ridhaa yako ndipo ufanye bali fanya sawa na maelekezo unayopewa kwa moyo wa unyenyekevu wote.

Unapoanza kutembea katika mwendo wa Mungu unampa Mungu nafasi ya kutawala mwendo wako na hatimaye uweze kupata matokeo yake yanayodumu na yenye tija katika ufalme wake.

Mungu anatarajia kukuongoza katika hatua zake ili ukamilishe kusudi lake na kwa hilo duniani upo na azidi kukufurahia kwasababu unafanya kitu ulichopaswa kufanya.

Ni muhimu kuruhusu akili yake kuishi katika akili yake kupitia neno lake ili uweze kuwa na mwendo usiochoka au kuishia njiani, chochote ambacho Mungu atakiachilia ndani yako ni kwa ajili ya utukufu wake na hiyo hali itakuimarisha na kufanya uzidi kusonga mbele kwakuwa nguvu zako ni nyingi.

Unahitaji mwendo wa Mungu ili mwendo wako kuwa thabiti nje hapo hakuna mwendo wowote utakaonzisha utakao kuwa na matokeo bora kwako kwakuwa nje yake hakuna uwezesho wake,

Naam nje ya mwendo wa Mungu kuna vipingamizi vingi peke yako hautaweza kushinda maana nguvu zinazotumika kushindana na wewe ni zaidi ya uwezo wako wa asili hivyo hauwezi kuzuia kimwili, hivyo unahitaji nguvu ya Mungu ili uweze kushinda nguvu zinazo kuzunguka.

INAITWA SIKU! BARIKIWA SANA

Imeandaliwa na;

Cothey Nelson……………………………………………………………0764 018535

MIA MOJA NI BORA KULIKO MILIONI MIA MOJA!

 

Zaburi 84:10 Hakika siku moja katika nyua zako Ni bora kuliko siku elfu. Ningependa kuwa bawabu nyumbani mwa Mungu wangu, Kuliko kukaa katika hema za uovu.

Thamani yako mbele za Mungu sio kuwa na kitu bali ni kuwa na kitu ambacho amekupatia yeye.

Furaha ya mwanaume sio kuona mke wake mjamzito tu bali uona fahari kuona huo ujauzito alionao mke wake yeye ndiye muhusika.

Nje ya muongozo wake katika kupata kitu ni ngumu  kudumu na hicho kitu kwa kuwa nje yake yeye hakuna kitu kinawezi kushikilia hayo mafanikio.

Pia ni vizuri kufahamu kuwa nje ya Mungu umiliki wowote unagharama zake, hasa katika utunzaji wake, wakati mwingine unaweza kuhatarisha maisha yako kwa ajili ya kuficha ukweli.

Na ni ukweli usiopingika kuwa ni kusudi la Mungu tuwe na furaha kamili katika maisha yetu na mali ni moja ya chanzo cha furaha japo sio furaha ya kudumu, bali kutokana na uhakika ongezeko la furaha yako na mifupa yako inakuwa salama.

“ Ni bora mia moja ya halali kuliko milioni mia moja ya ubadhilifu”

Ni kweli tunajua tunahitaji kuishi maisha ya mamilioni lakini ni lazima tuanze na moja ili kuelekea kwenye milioni.

Mungu anapoamua kukufanya kuwa tajiri uwa anafanya kwa raha zake mwenyewe/kusudi lake, hivyo ni muhimu utumie huo utajiri kwa namna yake, japo wewe binafsi utanufaidika nao lakini usisahau kufanyika baraka kwa wengine.

Ni vizuri utambue kwamba ukianza na mia moja uwa ni tabia ya Mungu kukuzidisha.

Ndomana biblia inasema ukiwa mwaminifu kwa machache Mungu anakuweka katika kufanya makubwa zaidi.

Mathayo 25:23 Bwana wake akamwambia, Vema, mtumwa mwema na mwaminifu; ulikuwa mwaminifu kwa machache, nitakuweka juu ya mengi; ingia katika furaha ya bwana wako.

Siri kubwa katika kauli hii ni lazima uridhike kwanza na kile alichokupa Mungu hata kama ni kidogo kiasi gani? Maana ndani ya shukrani kuna mazidisho bali lawama kuna kuchukuliwa vyote ulivyopewa kuwa navyo.

Kwa asilimia kubwa watu wengi wakiwekewa kati ya mia na milioni bila shaka watachagua milioni pasipo kujua kwa nini ni chague milioni na sio mia? kwa asilimia kubwa mtu uona uhitaji uliombele yake na huo ndio unaomsukuma pasipo kujali gharama zitakazotokana na uchaguzi atakaoufanya.

Ni kweli kuwa na maisha mazuri ni jambo linalo vutia watu wengi kama sio wote lakini swali ni kwamba hayo maisha yanakujaje na gharama zake ni zipi? Unaweza kujikuta baada ya kupata kile unachokiona ni kizuri ukakukata maisha yako yakaingia katika gharama kubwa hata yakaondoa kabisa furaha uliyokuwa nayo.

Unaweza kuwa ni binti ukatokea umempenda mtu mwenye miliki zake ( kupenda sio dhambi bali kile kinachokusukuma kupenda kinaweza kupelekea dhambi ), ikatokea mmefunga ndoa maisha yakaanza ikawa ni mwendo wa kuku na mrija ( unakula unachokitaka na sio kinachopatikana )….ikatokea ukagundua kuwa kazi anayoifanya ni ujambazi na umwagaji damu wa watu wasio na hatia ndio fahari yake au utajiri wake na ikatokea siku moja mmepishana akakujeruhi jeraha litakalo hatarisha maisha yako……………Nini maamuzi yako! Itakutegemea wewe binafsi katika halmashauri ya kichwa chako.

Japo ni wazi kuwa hekima ya maskini haisikilizwi hata akiongea kwa namna gani?

Ikumbukwe kuwa utajiri ni kitu kizuri na Mungu anataka tuishi humo, lakini muache Mungu akuingize kwenye utajiri wake na sio wako wala wa dunia, maana utajiri wa Mungu hauna majuto.

Na raha yake inakuwa zaidi ya utajiri ulionao.

INAITWA SIKU! BARIKIWA SANA

Imeandaliwa na:

Cothey  Nelson……………………………………………………………0764 018535