KUWA WEWE

 

Katika maisha ya kila mwanadamu tangu kuzaliwa na kukua kwake, ana vitu vyake vya pekee ambavyo havina mfanano na mtu mwingine, hata kama ni mapacha kila mtu atakuwa na umaalum wake, pamoja ni mapacha wewe ukashindwa kuwa tofautisha lakini wao wenyewe wakijiangalia wanaona utofauti wao.

Katika dunia tunayoishi kuna madhira mengi au majanga mengi, japo yapo majanga yanayosababishwa na wanadamu wenyewe  hasa katika kuendelea na shughuli zao za kila siku na yako majanga mengine yanasababishwa na asili ya dunia, ( nje ya utashi wa mwanadamu )!

Moja la janga linalochipukia kwa kasi kubwa katika ulimwengu wa sasa ni watu KUTOJIKUBALI vile walivyo na KUJIAMINI au KUJITHAMINI.

Si ajabu kwa sasa kukuta wanawake wanatamani kuwa wanaume na pia wako wanaume wanatamani kuwa wanawake!

Hivyo inaonyesha kwa jinsi gani watu wanakataa kukaa au kuishi kwenye asili yao, mbali na hilo pia kwa sasa hasa mabinti na baadhi ya wanawake wameingia kwenye gharama kubwa ili kutengeneza muonekano wao mathalani kutengeneza kifua (maziwa), makalio kuwa makubwa na wengine kubadili rangi ya ngozi zao inawezekana kwa kujishauri wenyewe tu kutokana na elimu waliyoipata kutoka vyanzo mbalimbali hama kushawishiwa na kampuni au rafiki wa karibu.

Pia kwa upande wa wanaume wako baadhi ya wanaume hivi sasa wanasuka, wanavaa hereni na hata kubadilisha rangi za ngozi zao wengine wakiwa na lengo la kuongeza mvuto au ushawishi! nje ya hapo sijui wanatafuta nini?.

Japo ni muhimu kutambua pindi utakapoishi pasipo kujitengeneza, na kujiongeza hama kujirekebesha kusiko kuwa na tija, basi hapo utafurahia maisha yako na kuwa na uhakika maana unapoishi kama wewe, na ukaongea kama wewe na sio kama mtu mwingine ni wazi hauwezi kujisahau wala kujichoka pia uweza kujiepusha na uharibifu.

Kuna watu wanaogopa kuingia hatua nyingine katika maisha yao kwasababu ya kuona yeye bado hatoshi hivyo ujiweka katika daraja la chini na kuona astahili kuwa mahali fulani au hatua fulani!

Katika upande wa mahusiano ya uchumba hadi ndoa!

Kwa ujumla swala hili la mahusiano ni swala tata katika maisha ya wanadamu wengi kwa kiasi kikubwa limekuwa kama jipu lililoshindikana kutumbuliwa, hususa kwa upande wa vijana wa kiume na hata wakike katika kipindi hiki uhalisia wao upotea kabisa, kipindi mahusiano ya kikolea unaweza hisi mtu uliyenaye kashuka kutoka mbinguni na unaweza fikiri alikuwa karibu na Mungu kana kwamba Mungu anapoanza kusalimia basi anaanza na yeye kisha nakuendelea wengine maana sio kwa upole huo.

Katika kuondoa uhalisia katika swala la mahusiano wako watu wanaenda mbali zaidi wanahazima nguo, gari hata chumba ili ampate mtu fulani au afanikishe lengo lake na pia wako watu kula ugali au mihogo wanahisi kama wanakula sumu wanasema havipandi,

Kuna watu wana jitahidi katika kutengeneza muonekano wao vizuri ni jambo muhimu sana lakini shida inakuwa pale anapotaka kukuaminisha maisha ambayo yeye mwenyewe hayupo hapo, unaweza fikiri huyu mtu anakaa maeneo fulani kwa watu wenye uwezo wao lakini kumbe kwake uhalisi anachumba kimoja na mkeka tu na maeneo yote anamtembeza  mpenzi wake ni kwa marafiki zake tu, japo umaridadi unaficha umaskini lakini tuwe wa kweli itatusaidia zaidi.

Mbaya zaidi katika mitandao ya kijamii jinsi inavyotudanya mtu anaedit picha ( anatengeneza picha ) akiwa katika mazingira mbalimbali na anasema ndio maisha yake, unaweza kukuta leo yuko ndani ya ndege na kesho yuko nje na wakati mwingine utakuta yuko mbugani anacheza na simba mbali na hayo unaweza kukuta yuko katika boti mara ameshuka anaogelea na pengine jioni ukakuta anasalimiana na rais wa marekani kumbe ni uongo mtupu.

Unapokuwa wewe na kuishi maisha yako itakusaidia sana na itasaidia kwa kufanikisha kupata kilicho sahihi au kilicho chako ila ukiishi maisha ya mwingine kitakuja kitu cha mwingine ambacho hautadumu nacho na baadae kitazidisha maumivu tu na kujiona Mungu amekuweka katika fungu baya.

Usitake kufanana na yule au hawa kuwa wewe hasa katika eneo la uchumi kama biashara yako ni kuuza karanga usitake tujue kuwa wewe unauza magari au ndege utaingia kwenye mtego ambao baadae utakugharimu sana.

Uongo unaua mahusiano mengi sana katika ulimwengu wa sasa!

Ni vizuri kwanza wewe usiwe muongo ili upate mtu asiye muongo hama iwe rahisi kwako kumgundua mtu muongo, ila usitafute mkweli wakati wewe ni muongo utamuharibu mtoto wa watu.

INAITWA SIKU! BARIKIWA SANA

Imeandaliwa na:

Cothey  Nelson……………………………………………………………..0764 018535

 

KUNA MTU ANAHITAJI UWEPO WAKO!

 

Hakuna kitu kizuri kuwepo au kwenda mahali ambapo unajua unahitajika haijalishi kama kuna kitu unatoa au hautoi bali wewe kujua kuwa “ WEWE NI HITAJI” sehemu hiyo hapo unakuwa na fahari isiyoweza kuelezeka.

Moja ya sababu inayoweza mfanya mtu kuto kwenda kwenye shughuli mbalimbali ni pale asipoona ulazima wake wa kuwepo pale, japo wakati mwingine unaweza kujidanganya kuwa wewe sio wa lazima mahala pale kutokana na mawazo yako au kundi la watu wachache inawezekana sio kweli.

Na moja ya kitu kinachoweza kisizingatiwe wakati unajiandaa kwenda mahali ambapo huna ulazima wa kuwepo hapo ni kisaikolojia na hata mavazi, kwakuwa unajua hata nikiingia gharama kiasi gani katika kujiandaa au kujitengeneza sitaweza badili mtazamo wao mbaya juu yangu.

Na hakuna sehemu inayotia uvivu kwenda kama mahali ambapo unajua hauhitajiki ila umekaribishwa bila shaka hata ukifika mahali hapo ukikaa dakika kumi (10) unaweza hisi kama umekaa masaa kumi na mbili (12) maana kwa muda huo unakuwa umeshaboreka vya kutosha, kila kitu kinachoendelea wewe unaona ni kero ni bora mle tu shughuli iishe.

Ni wazi kutambua kutohitajika katika mahali fulani basi sio kwamba dunia yote haikuhitaji:

-          Mtazamo mbaya usiharibu furaha ya kudumu katika moyo wako.

Ni kweli mwanga unaweza usihitajike sana mchana lakini usiku utahitajika tena hakuta kuwa na mbadala wake.

Naam chakula kinaweza kisihitajiki kwa muda wote hasa wakati umeshiba lakini wakati njaa imeanza kusumbua mwili wako utaanza kukitafuta chakula mahala popote kilipo.

Pia unapokuwa hunakiu ya maji pindi utakapo yaona maji unaweza kuyapiga mateke lakini pindi mwili wako utakapozalisha kiu ni wazi utatafuta maji wapi yalipo ili kukidhi mahitaji ya mwili wako.

Ningependa kuongelea “ Maji” kama kitu muhimu kwa maisha ya mwanadamu na viumbe hai vyote ulimwenguni,

Ni kweli bahari inaweza isihitaji maji lakini sio kweli ardhi yote iko salama haitaji maji bali kuna ardhi iko na ukame mpaka inapasuka kwa kukosa maji na mara nyingine ardhi inapokosa maji inasababisha ukame kutokea na kusababisha njaa katika jamii husika.

Pindi unapoenda mahali ambapo unahitajika, ukiwepo wanaweza kukuita mfalme hata kama hauna watu unaowaongoza, kwakuwa wewe ni utatuzi wa changamoto zao haijalishi kule ulikotoka wanakuitaje? Wakati mwingine kule ulikotoka wanaweza kukuita wewe ni kiraka…………….!

Unahitaji kujua ili mradi umezaliwa na upo mpaka sasa basi ujue wewe hitaji la mahali fulani ni wewe kujivumbua tu, unaweza ukawa utatuzi wa leo au kesho.

Wewe ni zaidi ya mwanga usipohitajika mchana usihofu usiku waja ambao uhitaji wako utakuwa kama lulu kwa kuwa wanakuhitaji ili waweze kuyaona yale wanayotaka.

Yakupasa kujua uwepo wako ni wa faida katika dunia muhimu wewe usijione hasara maana utashindwa kuitumia hile hazina iliyo ndani yako.

Ni kweli unaweza kosa la kufanya ukajikuta unalia tu, ila usiruhusu machozi yakawa maisha yako bali kuna mahali ufike ujitambue na ujue haki yako na ujue wewe upo ili mtu mmoja atoke pale alipo haijalishi wewe uko wapi na pengine hata wewe unamsubiri mtu aje akutoe hapo hapana wewe msubiri Mungu tu ili akutoe nawe uende ukamtoe mtu mwingine. ( unafanyika Baraka kwa mwingine ili Mungu azidi kuwa Baraka kwako)!

INAITWA SIKU! BARIKIWA SANA.

Imeandaliwa na:

Cothey  Nelson……………………………………………….………….0764 018535